Известование о обретении телесе преподобнаго Тихона Чюдотворца.//(л. 28 об.)

Житие Тихона Луховского

(л. 22 – л. 52)

(Л. 22) Житие преподобнаго отца нашего Тихона Луховскаго чюдотворца, благослови, отче.

Сей преподобный отец наш Тихон бяше отечеством от Малыя Росии от литовских предел, чином воин сый. Егда же князь Феодор Ивановичь Вельской преселися в московскую державу в Великую Росию, и сей Тихон (в мире Тимофей зовом бяше) возненавиде нестоятелный народ литовскаго вертения, понеже мнози от них укланяхуся в латыньство и во иныя//(л. 22 об.) различния ереси, и того ради отвержеся отечества своего и прииде вкупе со князем Феодором. и мало пожив у самодержавнаго в службе, и виде зде в Велицей Росии православную веру истинну и не смущаему от еретик, яко же в Малой Росии, но яко солнце цветущу благочестием и сияющу, яко свет небесный. И церковному благочинию дивляшеся, и тщание ко святым церквам много имяше, и служащих Богови велми//(л. 23) любляше. И потом святыя обители многия начат проходити, и виде в них чин, и устроение, и благочестие, и всенощная пения совершающих. И паче возлюби, и разжегся с верою, и нача помышляти в себе: «Аще бы сии многотруднии иноцы, тружающеися в слезах и подвизех не провидяли предлежащую многу радость на небесех, не бы тако подвизалися, вся дни своя себе мучаще даже до смерти». И потом помысли восхоте Богу работати. И раздав имения своя нищим,//(л. 23 об.) и оставив мир, и пострижеся во иночество. И наречено бысть имя его Тихон.

Не обретохом прохождения ради многих лет, в киих монастырех пострижеся, но Вышняго Града гражданин, не по мнозе времени в пусто место паки прииде. И вселися в отчину у того же князя Феодора Ивановича Бельского на реце Лухе, еще тогда граду Луху не бывшу. Потом же преславных ради чюдес, бывающих у него, уже бысть и град на той реце, иже от тоя пустыни три поприща//(л. 24) есть. Место же оно Копытово зовомо бяше прежде, идеже вселися преподобный. И зело бяше ножно место то, бе бо бор велий и отнюд непотребно, понеже песок безмерен бяше ту, а на друзей стране реки места непроходимая и болота велия, и к земледельству отнюд неудобно. Трудов же и подвигов многих желател, сей дивный муж, пришед, испроси место нужнаго сего на устроение пустыни у некоего ту жителя христолюбива мужа. Той же христолюбивый муж, иже виде//(л. 24 об.) такова старца, еже на таковом нужне месте хощет жити един, и подивися, мысляше в себе: «Аще бы сей старец крепости и терпения не стяжал, не бы такова места нужна искал», яже о сем последи иным извеща. И дарова ему без возбранения место то.

Се же избра многострадалный отец Тихон, понеже бегая зело тщеславия и ненавидя до конца телеснаго покоя. Тем же и в непроходимое место человеки скрывся, пребываше и никого же зрителя и разуметеля//(л. 25) духовным и телесным трудом своим не токмо не хотяше видети, но ни слышати. Бяже же и божественых писаний добре умея писати, и писаше сам святыя книги в той пустыне: Апостол и Евангелие, и иныя святыя книги написа. Чина же священническаго не восприят на ся до смерти, имеяше же и рукоделие токоренное и тем нужную потребу обреташе себе, неблагообразныя же виды велико тому благообразне приплодиша. От сих бо николиже победися, но паче сих терпением победи.

И в болезни велицей сыи от прогрызныя//(л. 25 об.) лютости, но ни во дни, ни в нощи никогда же не преста от молитвы и коленных преклянии. Его же беду сию страшно бяше видети, нозе бо бяху ему развращенне, занеже лоно и со истоком водным толико распухло бяше, яко же от единаго мала пошествия в таковых болезнех случающимся умирати. Он же муж трудолюбезный вся со благодарением претерпеваше, бяху же ему ученицы и друзи два иноцы именем зовомы Фатей//(л. 26) и Герасим. С ними же труждашеся велми святый на месте том, образ им учения собою подая. Землю копаше рылами и копылы, и тако питахуся. И поживе много лет в таковых подвизех всепреподобный сей Тихон.

Труды его и болезнь сердца, яже к Богу, кто может исповедати? Яже от видения нечто некиих, то зде о сих мало нечто да известится. Слышахом бо от неких селян, яже ко святому хотя приходити. Он же, бегая от них, и не беседоваше// (л. 26 об.) с ними ничто же развее едиаго словеси его, еже «отступите от мне, да не соблазнитеся, понеже муж грешен есмь». Учаше же и ученики своя бегати от мирских чадии и ничто же с ними беседовати, и не токмо входу мирским, но ни иноком к себе не пущаше приходити, ниже потребных от них что приимати, разве токмо на рукоделие променити, но и то не всегда, но великия ради нужда какия, яже он//(л. 27) повелит. Толик же бяше нищ и нестяжатель, яко дивни вещь сказати о нем, иже бо и Бога ради кто что хотяше дати ему, он же отнюд презираше та, яко же рекохом. Сам же в болезни от прогрызныя лютости. Утешения же ради ученик своих сый муж словесен, безсловесных естеством подражая, и впрязашеся сам в ярмо оралное, и повелевая учеником своим управляти орало на себе, добре земли бразды делати и всеяние семен к препитанию земнаго сего естества.//(л. 27 об.) Сим же образом и ученицы его такожде себе умучающе. Сия же прилучаем каким егда подвидевши от простых чадии, и ужасахуся о сем. Преподобный же егда ощушаше како подзиратаев трудов своих пустынных, и, аще и нужно дело подлежимое, и та вся поверг и со ученики своими отбегаше, и скрыяся от человек, да не будет хвалим тщею славою, яко же выше рехом. И по сих мнозех трудех Богови угодив, и в добрей старости ко Господу преставися.

По преставлении же его, не имуще//(л. 28) ученицы его в чем погребсти телесе его, и много плачеще горце над телом преподобнаго, не ведуще, что сотворити о нем, бяхо бо и сами нищих нищейши и наги риз покрова. Но не ведомо како вскоре уведа о сем епископ Суждальской и вскоре посла свитку на соприятие телесе его и гроб гвоздием железным збит. Они же та со благодарением приимше, и погребоша преподобнаго со многими слезами.

Чюдо 3-е.

Того же предела града Луха ис поместья сына боярьсково ж дана Чупрасова деревни Перхуровы//(л. 34 об.) некто земледелец Емельян именем по реклому Первуша поведаше се, яко прииде к нему преподобный Тихон в нощи, ему же немощи лежащу велми, понеже рука у него правая от`ятся. И рече ему преподобный: «Прежде молился еси у гроба моего в сомнении ума с неверствием. Ныне же поиде во обитель ко гробу моему, и подам ти исцеление совершено». Он же, возбнув от сна, и повеле вести себе в монастырь преподобнаго, и молися с великою верою,//(л. 35) прощения прося прежним своим сомнением. И тако исцеление получи, и рука его бысть здрава молитвами святаго.

Чюдо 7-е о жене.

Жена некая Мария именем из веси, нарицаемыя изо Опришенки малые, изо Опари деревни тако же одержима бе болезнию щепотною, яко//(л. 37) всеми составы страдаше. И повеле вестися ко гробу святаго во обитель, и припадая ко гробу, плачющи из глубины сердца и прося своей болезни исцеления. И молитвами преподобнаго оттоле здрава бысть, и отыде в дом свой радуяся, похваляющи святаго.

Чюдо 8-е о человеце некоем.

Человек некий Ульян именем из веси, нарицаемыя Кромы, из деревни Згорящина тако же бе одержим болезнию щепотною же. И в том недузе страдаше десять лет. И привезоша//(л. 37 об.) его во обитель преподобнаго. Он же начат молити святаго, и молебная о нем совершающим, освященною водою покропивше его, и ко гробу преподобнаго приложися, и тако изцеление получи молитвами святаго.

Чюдо 9 о девице.

Девица Евдокея именем изо Бабковскаго заселья из деревни Слевакова, сей сей (так!) страждущи щепотною же болезнию, и в том недузе седмь лет стража. И привезенна бысть родительми своими во о//(л. 38)битель святаго, и молебная о ней совершивше,, и ко гробу приложившися, и абие исцеление получи молитвами святаго.

Чюдо 11 о жене.

Жена некая Марем`яна именем изо Гарины деревни, щепотною ж болезнию одержима. И всем телом страдаше, и не могий терпети немощи. И повеле вестися ко гробу преподобнаго, и привезоша ю во обитель святаго, и пред гробом с плачем многим молящи святаго, и абие изцеление получи, и бысть здрава, яко же и первие.// (Л. 39)

Чюдо 12 о друзей жене.

Ина жена Ульяна именем Евдокимова жена Сакарина, и прииде на нея люта болезнь. И бе вся опухла, и в том недузе много страдаше. И приведше ея во обитель преподобнаго, и нача молити святаго. И молебная о ней священницы совершивше, и священною водою покропивше, и изсцеле молитвами святагою

Чюдо 13 о жене.

Жена некая Еуфимия именем из веси, нарицаемыя из Чючеры, сердцем бе болна еа многи дни. И тоя туги и болезни не могии//(л. 39 об.) терпети, и повеле себе вести во обитель преподобнаго, и привезена бысть мужем своим во обитель святаго. И начаша молити преподобнаго со слезами горкими, и молебная о себе повеле совершити. И в том часе здрава бысть молитвами святаго, и отиде в дом свой, радуяся и похваляющи святагою

Чюдо 14 о разслабленнем.

Человек некий Стефан именем Офонасьев сын мачева из Чюкина от мору бысть в разслаблении и много в том недузе страдаше. И повеле//(л. 40) себе вести во обитель преподобнаго, и привезоша его ближьнии его во обитель святаго, и нача молити его, и молебная о нем совершивше. И в том часе здрав бысть молитвами святаго.

Чюдо 15 о жене слепой.

Жена некая Ксения именем из веси, нарицаемыя Кромы, одержима бяше очною болезнию, и в том недузе страдаше двадесять лет, и привезена бысть во обитель святаго, и молебная о ней совершивше, и священною водою покропивше,// (л. 40 об.) и тако очима своима прозре, и бысть здрава.

Чюдо 18 о разслабленнем.

Человек некий Селивестр именем Иванов ис Коровиньские деревни бе разслаблен всем телом, и в том недузе много время страдавше, и повеле ся вести во обитель преподобнаго. И молебная о нем//(л. 41 об.) сотворше, и ко гробу святаго приложивше, и укрепистася руце его и нозе, и бысть здрав молитвами преподобнаго.

Чюдо 21 о отроке.

Отрок некий, рекомый Третьяк, Карпов сын, бысть язва на шии его, и от тое язвы главу его привлече крамола. И привезоша его во обитель преподобнаго, и молебная о нем совершивше, и священною водою покропивше, и тако вмале исцеление получив, и отиде в дом свой, радуяся, здрав//(л. 43) молитвами святаго.

Чюдо 23 о девице.//(л. 43 об.)

Того же лета в навечерие пред памятию святаго привезли девицу именем Вассу Весильеву дщерь Нефедова села Филисова веси Лядинина: одержима бысть очною болезнию до полугодичнаго времени. Молебная о ней совершивше, и ко гробу святаго приложивше, и тако прозрение получив молитвами святаго.

Чюдо 24 о жене слепой.

Некая жена именем Марья из веси, нарицаемыя Порзны, одержима бысть очною болезнию. И в том недузе страдаше 5 лет.//(л. 44) Привезоша ю во обитель преподобнаго, и молебная о ней совершив, и ко гробу святаго приложивше, и священною водою покропивше, и тако молитвами святаго прозре.

Чюдо 25 о девице слепой.

Девица некая именем Марья от Троицы Верх Устья Федорова дщи одержима бысть очною болезнию от Светлаго Воскресения Великия Пасхи до июля месяца, до преподобнаго памяти. И привезоша ю во обитель преподобнаго, и молебная о ней совершивше, и ко гробу святаго приложившеся, тако прозре//(л. 44 об.) молитвами святаго.

Чюдо 26 о жене.

Жена некая Феодора именем Нечаева жена Никитина сноха Солоденова одержима бе очною болезнию и в том недузе страдаше 5 лет. И приведоша ея во обитель преподобнаго, и молебная о ней совершив, и ко гробу святаго приложивше, и тако прозре молитвами святаго.

Чюдо 27 о слепом.

Человек некий Матфей именем Мартинов сын с Конышева одержим бе очною болезнию, и в том недузе страдаше недель пять.// (л. 45) В навечерие святаго памяти привезоша его во обитель, и приложив к гробу преподобнаго, и тако очима исцеление получив молитвами святаго.

Чюдо 28 о друзем слепом.

Ин человек именем Илья Фомин сын Некрасова из Благовещенского заселья одержим бе очною болезнию и в том недузе страдавше три лета. И привезоша его во обитель на память преподобнаго, и молебная о ней совершивше, и ко гробу преподобнаго приложиша, и в самую заутреню прозрев,// (л. 45 об.) и отиде в дом свой здрав, радуяся и славя Бога и угодника его преподобнаго Тихона.

Чюдо 29 о беснующемся.

Человек некий Козма именем Козмин сын Маркова ис Хрилевы слободы одержим бысть нечистым духом и в том недузе страдаше 7 лет. И привезоша его во обитель, и молебная о нем совершив, и ко гробу святаго приложив. И тако начат кротчае быть, и помале прииде в чювство, и нача пометати себе на гроб преподобнаго, плачуще// горце, вопиюще со слезами из глубины сердца, и благодарение велие воздая святому. И оттоле нача велию веру имети ко святому, и отиде в дом свой здрав и радуяся, похваляюще святаго.

Чюдо 31 о жене.

Жена некая Матрона именем Ульянова дщи Иванова жена Вашурина с Верхнева Ландеха одержима бысть очною болению и в том недузе страдавше два лета. Привезоша ю во обитель преподобнаго на память святаго, и молебная о ней совершивше, и ко гробу святаго приложивше. И тако молитвами святаго прозрев, и отиде в дом//(л. 47) свой, радуяся, здрава.

Чюдо 33 о жене слепой.

Жена некая Елена именем Акакиева дщи, Максимова жена, Козмина христианина Елеуфериева одержима бысть очною болезнию и в том// (л. 47 об.) недузе страдав годищное время. И привезоша ея во обитель преподобнаго, и молебная отпевше, и ко гробу святаго приложивше, и тако очима своима исцеление получив, и отиде в дом свой здрава, и оттоле с мужем своим нача велию веру держати ко святому.

Чюдо 34 о жене.

Ина жена Агрипина именем Григорьева дщи, Ильина жена из веси Вичюга зовома одержима бысть очною болезнию, и в том недузе страдаше 10 лет. И привезоша ю о оби//(л. 48)тель преподобнаго, и молебная о ней совершивше, и ко гробу святаго приложивше, и священною водою покропивше, и тако молитвами святаго исцеление получив.

Чюдо 35 о девице.

Девица некая Акилина именем Григорьева дщи из села, зовомо Бортнича, одержима бысть очною болезнию и в том недузе страдавше 12 лет. И привезоша ея во обитель преподобнаго, и молебная о ней совершивше, и ко гробу святаго приложившеся, и тако прозре молитвами святаго, и отиде в дом свой здрава, радуяся//(л. 48 об.) и славя Бога и угодника его преподобнаго Тихона.

Чюдо 36.

Вдова некая Ирина именем Михайлова дщи с Верхнева Ландеха одержима бысть очною болезнию и в том недузе страдавше 6 лет. Привезоша ея во обитель преподобнаго, и молебная о ней совершив, и ко гробу святаго приложившеся, и священною водою покропивше, и тако прозре молитвами святаго, и отиде в дом свой здрава, радуяся, похваляюще святаго.

Чюдо 37 о разслабленнней.

Жена некая Домникия именем Иванова дщи жена Иванова пастуха изо града Луху бысть немощна вся и в том недузе страдаше три лета и не можаше терпети болезни тоя. И повеле себе вести во обитель преподобнаго. И привезенне ей бысть во обитель святаго, и молебная о ней совершивше, и ко гробу святаго приложившеся, и тако исцеление получив молитвами святаго.

Чюдо 44.

Прииде во обитель святаго жена некая именем Марья Дми//(л. 52)треева дщи Акинфеева жена Нечина, невична была очима 5 лет. И певше молебная у гроба преподобнаго, и прозре пред обеднею молитвами преподобнаго Тихона, и отиде в дом свой радуяся, славя Бога, из веси Кузнецовы из Семеновские волости.

волости.

Житие Тихона Луховского

(л. 22 – л. 52)

(Л. 22) Житие преподобнаго отца нашего Тихона Луховскаго чюдотворца, благослови, отче.

Сей преподобный отец наш Тихон бяше отечеством от Малыя Росии от литовских предел, чином воин сый. Егда же князь Феодор Ивановичь Вельской преселися в московскую державу в Великую Росию, и сей Тихон (в мире Тимофей зовом бяше) возненавиде нестоятелный народ литовскаго вертения, понеже мнози от них укланяхуся в латыньство и во иныя//(л. 22 об.) различния ереси, и того ради отвержеся отечества своего и прииде вкупе со князем Феодором. и мало пожив у самодержавнаго в службе, и виде зде в Велицей Росии православную веру истинну и не смущаему от еретик, яко же в Малой Росии, но яко солнце цветущу благочестием и сияющу, яко свет небесный. И церковному благочинию дивляшеся, и тщание ко святым церквам много имяше, и служащих Богови велми//(л. 23) любляше. И потом святыя обители многия начат проходити, и виде в них чин, и устроение, и благочестие, и всенощная пения совершающих. И паче возлюби, и разжегся с верою, и нача помышляти в себе: «Аще бы сии многотруднии иноцы, тружающеися в слезах и подвизех не провидяли предлежащую многу радость на небесех, не бы тако подвизалися, вся дни своя себе мучаще даже до смерти». И потом помысли восхоте Богу работати. И раздав имения своя нищим,//(л. 23 об.) и оставив мир, и пострижеся во иночество. И наречено бысть имя его Тихон.

Не обретохом прохождения ради многих лет, в киих монастырех пострижеся, но Вышняго Града гражданин, не по мнозе времени в пусто место паки прииде. И вселися в отчину у того же князя Феодора Ивановича Бельского на реце Лухе, еще тогда граду Луху не бывшу. Потом же преславных ради чюдес, бывающих у него, уже бысть и град на той реце, иже от тоя пустыни три поприща//(л. 24) есть. Место же оно Копытово зовомо бяше прежде, идеже вселися преподобный. И зело бяше ножно место то, бе бо бор велий и отнюд непотребно, понеже песок безмерен бяше ту, а на друзей стране реки места непроходимая и болота велия, и к земледельству отнюд неудобно. Трудов же и подвигов многих желател, сей дивный муж, пришед, испроси место нужнаго сего на устроение пустыни у некоего ту жителя христолюбива мужа. Той же христолюбивый муж, иже виде//(л. 24 об.) такова старца, еже на таковом нужне месте хощет жити един, и подивися, мысляше в себе: «Аще бы сей старец крепости и терпения не стяжал, не бы такова места нужна искал», яже о сем последи иным извеща. И дарова ему без возбранения место то.

Се же избра многострадалный отец Тихон, понеже бегая зело тщеславия и ненавидя до конца телеснаго покоя. Тем же и в непроходимое место человеки скрывся, пребываше и никого же зрителя и разуметеля//(л. 25) духовным и телесным трудом своим не токмо не хотяше видети, но ни слышати. Бяже же и божественых писаний добре умея писати, и писаше сам святыя книги в той пустыне: Апостол и Евангелие, и иныя святыя книги написа. Чина же священническаго не восприят на ся до смерти, имеяше же и рукоделие токоренное и тем нужную потребу обреташе себе, неблагообразныя же виды велико тому благообразне приплодиша. От сих бо николиже победися, но паче сих терпением победи.

И в болезни велицей сыи от прогрызныя//(л. 25 об.) лютости, но ни во дни, ни в нощи никогда же не преста от молитвы и коленных преклянии. Его же беду сию страшно бяше видети, нозе бо бяху ему развращенне, занеже лоно и со истоком водным толико распухло бяше, яко же от единаго мала пошествия в таковых болезнех случающимся умирати. Он же муж трудолюбезный вся со благодарением претерпеваше, бяху же ему ученицы и друзи два иноцы именем зовомы Фатей//(л. 26) и Герасим. С ними же труждашеся велми святый на месте том, образ им учения собою подая. Землю копаше рылами и копылы, и тако питахуся. И поживе много лет в таковых подвизех всепреподобный сей Тихон.

Труды его и болезнь сердца, яже к Богу, кто может исповедати? Яже от видения нечто некиих, то зде о сих мало нечто да известится. Слышахом бо от неких селян, яже ко святому хотя приходити. Он же, бегая от них, и не беседоваше// (л. 26 об.) с ними ничто же развее едиаго словеси его, еже «отступите от мне, да не соблазнитеся, понеже муж грешен есмь». Учаше же и ученики своя бегати от мирских чадии и ничто же с ними беседовати, и не токмо входу мирским, но ни иноком к себе не пущаше приходити, ниже потребных от них что приимати, разве токмо на рукоделие променити, но и то не всегда, но великия ради нужда какия, яже он//(л. 27) повелит. Толик же бяше нищ и нестяжатель, яко дивни вещь сказати о нем, иже бо и Бога ради кто что хотяше дати ему, он же отнюд презираше та, яко же рекохом. Сам же в болезни от прогрызныя лютости. Утешения же ради ученик своих сый муж словесен, безсловесных естеством подражая, и впрязашеся сам в ярмо оралное, и повелевая учеником своим управляти орало на себе, добре земли бразды делати и всеяние семен к препитанию земнаго сего естества.//(л. 27 об.) Сим же образом и ученицы его такожде себе умучающе. Сия же прилучаем каким егда подвидевши от простых чадии, и ужасахуся о сем. Преподобный же егда ощушаше како подзиратаев трудов своих пустынных, и, аще и нужно дело подлежимое, и та вся поверг и со ученики своими отбегаше, и скрыяся от человек, да не будет хвалим тщею славою, яко же выше рехом. И по сих мнозех трудех Богови угодив, и в добрей старости ко Господу преставися.

По преставлении же его, не имуще//(л. 28) ученицы его в чем погребсти телесе его, и много плачеще горце над телом преподобнаго, не ведуще, что сотворити о нем, бяхо бо и сами нищих нищейши и наги риз покрова. Но не ведомо како вскоре уведа о сем епископ Суждальской и вскоре посла свитку на соприятие телесе его и гроб гвоздием железным збит. Они же та со благодарением приимше, и погребоша преподобнаго со многими слезами.

Известование о обретении телесе преподобнаго Тихона Чюдотворца.//(л. 28 об.)

По мнозем времени по преставлении святаго, Господу благоизволившу, прослави вернаго раба своего. И во оном месте, идеже преподобный потрудися, бысть ту обитель и братство иноком, и начаша чюдеса многа бывати от него. И взысканию бывшу от живущих во обители святаго, како погребен бысть преподобный сей муж.

И поведа старец Евфимий, Бердун зовомый, о погребении святаго игумену Константину и мнозей братии, яже слыша от ученик святаго, яко положен// бысть преподобный Тихон во гроб дощаной и гвоздием железным збит. Низпущен же в землю гроб его в глубину выше сажени косой и под гробом его и верху гроба две скалы берестяны положены. Игумен же сомневашеся о сем и в лето 7077-го (1569) месяца июня в 26 день помыслил игумен Констянтин ради чюдес, бываемых от святаго, смотрити мощей его, занеже пришли лета многа по преставлении святаго. И вскоре повеле место оно ископати, идеже преподобный погребен.//(л. 29 об.) Обрете святаго, яко же сказа старец Еуфимий. Гробу же егда явленну бывшу и дивным благоволением облагоухающеся предстоящии ту, тления же свитце его не бяше, в ней же положен. И восприем мощи святаго игумен, и хоте положити преподобнаго верху земли в церкви Николы Чюдотворца, нападе нань страх велик, и трепет нестерпим вниде в кости его, и свет очию его от`яся. И уразуме игумен, яко не по изволению святаго сия//(л. 30) дерзнул есть. И начат молити преподобнаго со слезами и повеле молебная совершити, и в том часе страх и трепет отиде от него, очима же не видяше.

И во время то привезоша из града Луху двою человек, единаго зовома Ивана Семенова, духом нечистым мучима. И другаго человека Трофима именем по реклому Дряпня, всем телом разлаблена, иже ни рукою, ни ногою не мегий двигнути. И в той немощи тогда пострижеся той Трофим во обители преподобнаго, и вскоре оба мужа// (л. 30 об.) изцеление от святаго получиста, и последи сей Трофим бысть пономарь в той обители многа лета. И по сих чюдесех преподобнаго игумен Констянтин известився, и повеле совершеннои службе быти над гробом преподобнаго, и паки мощи преподобнаго Тихона погребсти повеле в землю, но токмо гроб его ветхий и с мощми постави в новой гроб. И потом игумен Констянтин изцеление получи своея слепоты до конца, даже и до смерти здрав пребысть.//(л. 31)